Asuntunan Veterinario ta partisipá kambio den proseduranan di tumamentu di bestia, entrega di karni, kantidat di bestia ku ta sakrifiká pa dia i prosedura di traha sita pa sakrifiká bestia
Asuntunan Veterinario ta partisipá kambio den proseduranan di tumamentu di bestia, entrega di karni, kantidat di bestia ku ta sakrifiká pa dia i prosedura di traha sita pa sakrifiká bestia
Willemstad – Asuntunan Veterinario (AV) ta partisipá kambio den proseduranan di tumamentu di bestia, entrega di karni, kantidat di bestia ku ta sakrifiká pa dia i prosedura di traha sita pa sakrifiká bestia na abatuar di Parera. Nos mester a tuma e medidanan aki, pasobra un kantidat di matadero eksterno ku tabata traha den nos servisio mester a stòp ku nan trabou debí na sierto akontesimentu. Esaki a redusí e kantidat di matadero. Ta mataderonan den servisio fiho di AV so tin aktualmente pa hasi e trabou. Ku e mataderonan di AV so no tin e alkanse pa AV duna e mesun servisio kustumbrá. P’esei mester tuma e medida temporal aki.
Servisio adaptá entrante djaluna 18 mart 2024:
- Tumamentu de bestia pa matansa ta tuma lugá entre 15.00 pa 20.00 or dia anterior i promé ku 8.00 or di mainta dia di matansa.
- Entrega di karni ta tuma lugá entre 10.30 pa 12.00 or òf entre 13.30 pa 16.30 di atardi riba dia ku tin matansa (djaluna, djárason i djabièrnè na Parera).
Tin ku traha sita 2 dia anterior, entre 8.00 or pa 20.00 or riba dianan di trabou, por yama òf whatsapp tambe ku Kùrmester di Asuntunan Veterinario riba numbernan di telefòn: 689- 1291 / 685- 1292 i 694- 2840. Tin ku tene kuenta ku e kantidat máksimo di bestia pa matansa riba un dia ta 20 ehemplar, riba djaluna i djabièrnè ta sakrifiká porko so i riba djárason ta sakrifiká kabritu/ karné/ baka.
Asuntunan Veterinario ke aklará ku e medida di kantidat máksimo di animal pa sakrifisio ta temporal. Nos ta buskando un solushon a korto plaso.