Komishon sentral di Parlamento a risibí un splikashon di Ministerio di Salubridat, Medio Ambiente i Naturalesa enkuanto “Landsverordening Luchtskwaliteitseisen Curaçao”.

Djaluna 18 mart 2024, Un komitiva di ministerio di Salubridat, Medio Ambiente i Naturalesa a duna un splikashon tékniko relashoná ku “Landsverordening Luchtskwaliteitseisen Curaçao”.
Despues di e presentashon, miembronan di Parlamento a haña e oportunidat di hasi pregunta relashoná ku e tópiko.
Presidente di Parlamento sra. Charetti America-Francisca a skòrs e reunion te un próksimo aviso, pa duna e komitiva espasio pa formulá e kontestanan di e úniko tanda.
A yama e reunion aki, despues ku Parlamento a bai di akuerdo ku un proposishon di òrdu, pa risibí un presentashon, promé ku trata e konsepto di lei aki den komishon sentral. Ta e intenshon di Parlamento pa skucha otro gruponan di interes riba e tema aki promé ku sigui tratamentu di e konsepto di lei.