SPÒNSERNAN DI FFK TA ORGANISÁ SENA PA KONTRIBUÍ KU FUTBÒL DI KÒRSOU!

 

SPÒNSERNAN DI FFK TA ORGANISÁ SENA PA KONTRIBUÍ

KU FUTBÒL DI KÒRSOU!

 

 

Spònsernan di FFK a tuma e inisiativa pa organisá un sena spesial na Corendon Village Hulanda ku lo tuma lugá riba djaluna, 25 di mart 2024, pa rekoudá fondo pa kontribuí ku futbòl di Kòrsou pa medio di Federashon Futbòl Kòrsou.

 

Ta trata aki di un inisiativa organisá pa entre otro Corendon, Curaçao Airport Partners (CAP), Curaçao Airport Holding (CAH) i Curaçao Tourist board (CTB) ku e intenshon pa atraé mas spònser ku potensial ku ya a demostrá interes den futbòl, pero tambe pa krea mas fondo pa tantu e divishonnan lokal te ku Kòrsou su nivel di selekshonnan nashonal.

 

Pa e okashon aki e Minister enkargá ku desaroyo ekonómiko tambe lo tei presente p’asina duna su aporte na e inisiativa aki pa huntu ku e Presidente di FFK ku ta asesorá pa e Sekretario General i e funshonario di merkadeo ku komunikashon di FFK, sinta ku e spònsernan potensial pa yega na akuerdonan nobo na interes di desaroyo di futbòl di Kòrsou. Tur esaki a i ta sosodé entre djabièrnè, 22 di mart i djamars, 26 di mart 2024 kaminda e personanan ariba menshoná a biaha pa Hulanda pa por kumpli ku e tareanan aki.

 

Pues aparte di tur e retonan ku FFK ta konosé, tin oportunidatnan nobo tambe ku ta traha riba dje p’asina sigui engrandesé e deporte tantu riba nivel lokal komo internashonal.

 

24 mart 2024