Beibi a fayesé
KOMUNIKADO DI PRENSA 152/2024
27 mart 2024
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Beibi a fayesé
Djamars 26 di mart 2024 alrededor di 11.57’or, Sentral di Polis a risibí informashon ku un
beibi di (2) dos luna a bira malu na un krèsh i ku mester di ambulans ku urgensia na e sitio.
Ambulans a yega rapidamente i a transportá e beibi kompañá ku su mayornan, pa Sala di
Emergensia di C.M.C.
For di informashon preliminar ku polis a risibí na e sitio, a resultá ku un lider tabata
okupando su mes ku kòntrol den e kamber di beibi i diripiente a tuma nota ku e beibi su
koló a kuminsá kambia.
Mesora e lidernan di e krèsh a drenta akshon i a kuminsá ku reanimashon di e beibi
sperando yegada di ambulans.
Personal di ambulans na nan yegada a tuma over, pero no por a evitá ku mas lat e beibi a
bin fayesé den hospital.
