Promé Minister sr. Gilmar Pisas a risibí Embahador di REPÚBLIKA DI Colombia pa reino hulandes na den haag
Promé Minister sr. Gilmar Pisas a risibí
Embahador di REPÚBLIKA DI Colombia pa reino hulandes na den haag
Willemstad – Promé Minister sr. Gilmar Pisas a risibí e embahador di Colombia pa Reino Hulandes na Den Haag sra. Carolina Olarte Bácares dia 22 di mart 2024.
E bishita aki tabata unu di kortesia kaminda Promé Minister sr. Pisas a sera konosí ku e embahador.
Durante di e bishita sra. Carolina Olarte Bácares a hasi uso di e oportunidat pa elaborá ku Promé Minister sr. Pisas riba diferente tema i kua por ta e posibel áreanan di koperashon entre Colombia i Kòrsou.
Puntonan ku a keda atendé ta manera entre otro un mensahe di parti e Presidente di Repúblika di Colombia su ekselensia sr. Gustavo Petro, SENA (Servicio Nacional de Aprendizaje de Colombia), kolaborashon riba e parti di digitalisashon di área di salubridat, interkambio komersial, bishita resien di su ekselensia Reina Máksima na Colombia, Turísmo i posibel destinashon nobo pa barkunan krusero, “dobble taxation”, asuntu di reibeweis pa diplomátikonan, interkambio di informashon riba e área di tráfiko áreo, posibel konekshonnan nobo di buelo i bálides di dokumentonan digital.
Promé Minister sr. Pisas a pidi embahador sra. Carolina Olarte Bácares pa e por manda un karta ofisial riba algun di e temanan ku a keda tratá durante di e bishita aki mirando ku e temanan ta resortá bou di diferente minister.
E reunion a kana den un hopi bon esfera.
