Detenshon pa ladronisia di outo


KOMUNIKADO DI PRENSA 171/2024
5 aprel 2024
Detenshon pa ladronisia di outo
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di ladronisia di outo ku a tuma lugá dia 5 di aprel 2024 alrededor di
07.54’or den Kaya Kalabana, e investigashon den e kaso aki a kontinuá.
Alrededor di 13.20’or, personal di e departamentu ku ta investigá ladronisia di vehíkulo
tabata kore riba Kaminda George Willems i a tuma nota ku e outo en kestion a pasa riba
velosidat haltu, siguí pa un otro outo chikí den direkshon di Sta. Catharina.
Ku yudansa di otro unidatnan a kuminsá un persekushon tras di e vehíkulonan aki i ámbos
outo a drenta mondi di Sta Catharina.
Djis un ratu despues e outo chikí a sali for di e mondi i subi Kaminda Hensley Meulens den
direkshon di Sta. Rosa.
Na altura di rotònde na Sta. Rosa e unidatnan polisial a logra para e outo chikí i a hasi tres
detenshon.
Ta trata di e hòmbernan F.E.L. di 21 aña di edat, R.F.J.S. di 18 anñ di edat i J.F. di 20 aña di
edat, tur tres nase na Kòrsou.
A konfiská e outo chikí i a presentá e trio dilanti di un fiskal ouksiliar ku a ordená su
enkarselamentu pendiente di mas investigashon.
Den e mondi a bin topa e otro outo ku tabata huntu ku esun chikí i tres otro vehíkulo plumá
ku tambe a keda konfiská.
Investigashon ta kontinuá.
