KOMUNIKADO DI PRENSA 169/2024
5 aprel 2024

Detenshon relashoná ku maltrato relashonal

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 4 di aprel 2024 alrededor di 18.49’or, Sentral di Polis a haña notifikashon di un
kaso di maltrato den Kaya Dalpega.
Na yegada polis a bin topa ku un hòmber ku a deklará ku un ratu promé e tabatin diskushon
ku un hòmber i despues a surgi un bringamentu i el a maltrat’é.
Konsekuentemente e hòmber víktima a haña basta sla na su kabes i a kore bai buska
yudansa na warda di polis Montaña.
Na e sitio polis a detené e hòmber J.J.P.A.O. di 29 aña di edat nasé na Colombia, pa e
maltrato ariba menshoná.
Ambulans a transportá e víktima pa Sala di Emergensia di C.M.C. pa tratamentu médiko.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.