Trabounan di limpiesa rondó di área Julianabrug lo kontinuá djasabra 6 di aprel

 

Selikor ta informá ku durante e fin di siman binidero lo kontinuá ku e trabounan di limpiesa ku ta enserá kòrta rama i rekohé shushi visual for di kaminda públiko. E limpiesa lo konsentrá den área di Arubastraat biniendo for di direkshon di Punda, riba djasabra 6 di aprel for di 8^or di mainta te ku 4^or di atardi.

 

Durante e orario ku e trabounan di limpiesa ta tuma lugá, habitantenan i outomobilistanan por eksperenshá ku mester desviá for di ruta.

 

Selikor ta pidi pa duna espasio na e tim di limpiesa pa nan por hasi nan trabou di forma optimal. Tene kuenta ku e reglanan di tráfiko i e instrukshonnan indiká durante e orario ku e trabounan di limpiesa ta tuma lugá.