KOMUNIKADO DI PRENSA 173/2024
7 aprel 2024

Detenshon pa violensia relashonal

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 7 di aprel 2024 alrededor di 03.56’or, Sentral di Polis a dirigí un unidat pa Kaya
Modoc, pa un kaso di maltrato.
Na yegada di e unidat, un dama a konta e agentenan ku el a wòrdu maltratá pa e hòmber
ku kende e tin un relashon.
Segun e dama, kada bes ku e hòmber ta bou di influensia alkohóliko, e ta yega kas i kuminsá
maltrat’é.
Esei tabata e kaso un bia mas i e yu muhé tambe ku a bai para mei-mei di nan dos pa evitá e
maltrato, a keda agredí dor di e hòmber.
Na e sitio polis a hasi detenshon di e hòmber R. de J. B.C. di 53 aña di edat nasé na
Colombia, pa violensia relashonal.
A presentá e sospechoso dilanti di un fiskal ouksiliar, ku a ordená su enkarselamentu
pendiente di mas investigashon.