Minister Hato ta otorgá dekreto gubernamental na personal di SDKK

April 8, 2024 REDAKSHON

Minister Shalten Hato

Kòrsou, 08 aprel 2024
Djaluna 08 di aprel 2024, Minister di Hustisia a informá trahadónan no uniforma di SDKK ku
porfin nan lo por ta kontentu, despues ku a logra di drecha nan dekreto gubernamental ku
mester a ser drecha for di aña 2017. Despues di a inventarisá tur e problema nan den SDKK,
Minister di Hustisia a start ku e proseso den e instituto aki pa drecha posishon huridiko di
diferente di e personal. Tabata despues di a risibí un bishita di sindikato STRAF huntu ku e 8
personal no uniformá aki, ku Minister a tuma nota di e petishon agudo pa drecha e posishon
di e personal. For di 2017 nan mester a risibí un kontesta di parti di Gobièrnu di Kòrsou
relashoná ku nan posishon den e instituto, pero no a logra di keda kla. Na diferente okashon
e personal a keda primintí ku lo drecha nan dekretonan gubernamental, pero despues no a
skucha nada mas di Gobiernunan anterior.
Ta pesey, Minister di Hustisia huntu ku Gabinete Pisas II ta kontentu di por a otorgá djaluna
8 di aprel 2024 un kopia di nan dekreto gubernamental, unda nan por mira ku nan a risibí un
adelanto den nan salario. Despues Sekretario General, sra. Gimena van der Gen a informá e
personal ku e posishon huridiko lo ser drecha for di aña 2017. Esaki sigur ta un adelanto pa e
personal, ku a risibí e grato notisia aki. Minister di Hustisia a gradisí e personal di SDKK pa
no opstante tur kontratempu i lokual nan a pasa aden for di 2017, nan a keda hasi e trabou
tur dia pa e instituto i ku awe porfin por a risibí un trato hustu.