GOBIÈRNU TA DUNA MAS INFORMASHON TOKANTE PROYEKTO ZAKITÓ
MINISTERIO KONSERNÍ TRÁFIKO, TRANSPORTE I PLANIFIKASHON URBANO
GOBIÈRNU TA DUNA MAS INFORMASHON TOKANTE PROYEKTO ZAKITÓ
PUBLIKÁ RIBA 16 APREL 2024
Willemstad – Tin un plan maestro entre Gobièrnu di Kòrsou, Curaçao Tourist Board huntu ku diferente invershonista pa desaroyo di e área di Zakito. Esaki ta e área for di e entrada na Aqualectra bai na mas o ménos yegando e edifisio di WTC na Piscadera. Meta di e programa di desaroyo aki ta pa mehorá nos koredor, i ampliá e sektor turístiko den e área. Un aspekto importante pa komunidat ta na áltura di dje ta ku Koredor ta keda disponibel pa nos pueblo por sigui kana òf hasi ehersisio tur dia kualke ora di dia, i esaki lo keda kompletamente renobá.
Banda di esaki, ta importante pa menshoná tambe ku for di mei 2023, gobièrnu a hasi entrega di diferente pèrmit na e kompania Royal Holding Company II B.V. den kuadro di desaroyo di un marina pa yate den área di Zakitó. E kompania lo por bai traha un ‘golfbreker’ i un brùg ku por move, konforme Kòrsou su leinan riba e tereno di maneho marítimo (‘Landsverordening Maritiem Beheer’), i di konstrukshon i bibienda (‘Landsverordening Bouw– en Woningverordening’). Minister di Salubridat, Medio Ambiente, i Naturalesa tambe, na e okashon aki, a otorgá alabes un eksonerashon konformé nos leinan lokal pa loke ta maneho di ref (‘Rifbeheersverordening’) pa e konstrukshonnan ya menshoná. Pues e desaroyadó mester tene kuenta ku tur regla vigente. Tambe mester kuida e palunan di mangel.
Gobièrnu ta enfatisá ku tipo di proyektonan aki tambe ta duna un ‘boost’ na ekonomia marítimo den área di Zakitó.