Konferensha di trabou SEA,Strategic Education Alliance, a tuma lugá na University of Curaçao Dr. Moises da Costa Gomez.

Prome Minister Gilmar Pik Pisas

Riba 12 di aprel 2024 e konferensha di trabou SEA, Strategic Education Alliance, a tuma lugá na University of Curaçao Dr. Moises da Costa Gomez. Esaki a keda hasí posibel danki na Ministerio di Enseñansa, Siensia, Kultura i Deporte Kòrsou, Ministerio di Enseñansa, Kultura i Siensia Hulanda, Universiteit van Amsterdam i e komishon di konseho SEA.
Na e konferensia di trabou SEA tabatin entre otro stipuladónan di maneho di e gobièrnu di Kòrsou i Hulanda, i representantenan di e komishon SEA di Hulanda i di e seis islanan den Reino Hulandes. Durante di e konferensia a otorgá simbólikamente un number di BSN na un studiante di Radulphus College pa asina e por imigrá pa Hulanda.
Alabes durante di e mesun siman tabatin e mishon di konosementu bou di guia di minister Robbert Dijkgraaf di Hulanda kaminda institutonan di enseñansa superior, vokashonal, instansianan di maneho di enseñansa i studiantenan di e paisnan den Reino Hulandes a kòmbersá i deliberá ku otro pa asina por yega na mas mihó entendimentu i konosementu kon por fasilitá pa studiantenan di Karibe ta mas eksitoso den enseñansa superior en general i na tur pais.
Por mira riba potret robes pa drechi:-Gilmar (Pik) Pisas, Promé Minister di Kòrsou.-Robbert Dijkgraaf, Minister di Enseñansa, Kultura i Siensia Hulanda.-Sithree van Heydoorn, Minister di Enseñansa, Siensia, Kultura i Deporte Kòrsou.-Jan Hendrik (Endy) Croes, Minister di Enseñansa i Deporte Aruba.-Shalten Hato, Minister di Hustisia Kòrsou.-Dr. Francis de Lanoy, Rector Magnificus di University of Curaçao Dr. Moises da Costa Gomez.