18 DI APREL TA DIA MUNDIAL DI PATRIMONIO

Willemstad – Kada dia hende rònt mundu ta selebrá nan herensia kultural, simpelmente pa medio di biba nan bida den un manera ku ta mustra ken nan ta i di unda nan ta bin. Pero tin un dia anual speshal ku ta wòrdú dediká pa selebrá historia i herensia di humanidat. E dia aki ta 18 aprel, esta Dia Mundial di Patrimonio. Ministerio di Tráfiko, Transporte i Planifikashon Urbano (VVRP) ta animá un i tur pa selebrá tur kultura di mundu, i tambe ta traha pa oumentá konsientisashon tokante monumentonan i lugánan kultural importante, i pa preservá kultura di mundu.

Dia di Patrimonio Mundial, ku tambe ta konosí komo Dia Internashonal di Monumentonan i Lugánan, ta selebrá tambe e trabou di International Council on Monuments and Sites (ICOMOS).

E dia aki ta enfoká tambe riba oumentá konsientisashon di e importansia di diversidat di herensia kultural, i preservashon di esaki pa generashonnan di futuro.

Monumentonan i edifisio antiguo ta un herensia pa nos tur rònt mundu. Pero, nan mester wòrdú protehá pa sigurá ku nan ta keda eksití komo herensia pa hopi aña mas. Pa e motibu ei, e dia aki ta dediká na entre otro e monumentonan rònt mundu.