KOMUNIKADO DI PRENSA 191/2024
18 aprel 2024

Dos detenshon

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon den un kaso di intento di asesinato i menasa ku arma di
kandela ku a tuma lugá dia 15 di aprel 2024 na un establesimentu den área di Monte
Carmelo i un otro kaso di violashon di arma di kandela ku a tuma lugá dia 16 di aprel 2024
den área di Dein, polis a realisá dos detenshon.
Djaweps 18 di aprel 2024 alrededor di 09.25’or di mainta, Tim di Aresto a hasi detenshon di
e hòmbernan A.A.D. di 25 aña di edat i J.N.T. di 21 aña di edat ámbos nasé na Kòrsou.
E detenshonnan a tuma na altura di un restorant riba Weg naar Wespunt.
Despues di e detenshonnan, Tim di Atrako a tene entrada hudisial na un adrès den Kanga.
Durante di entrada hudisial a haña i konfiská varios kashi di bala i artíkulonan ku ta di
importansia pa e investigashon.
Durante di kontròl den vehíkulo di un di e hòmbernan aki, a topa ku un arma di kandela i
kashi di bala.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.