Promé Minister sr. Gilmar Pisas a BISHITÁ DE SGR-gROEP

Promé Minister sr. Gilmar Pisas a BISHITÁ DE SGR-gROEP
Willemstad – Promé Minister sr. Gilmar Pisas huntu ku Minister di Hustisia i Asuntunan Sosial di Aruba sr. Rocco Tjon a bishitá De SGR-Groep (De Stichting voor Gehandicapten- en Revalidatiezorg) dia 18 di aprel 2024.
Durante di e bishita aki SGR-Groep a hasi un “rondleiding” pa asina e ministerna aki por a sera konosí ku nan fasilidatnan, den kuadro di firmamentu di e prolongashon di e kontrakt di kuido entre De SGR-Groep – Fundashon Verriet i Aruba e luna aki.
Esaki ta nifiká ku den futuro klientenan di Aruba por sigui risibí kuido aki na Kòrsou.
Di parti di De SGR-Groep nan tabata hopi kontentu pa risibí nos Promé Minister sr. Gilmar Pisas.
Pa Ptom’e Minister sr. Pisas e tabata un oportunidat pa e por haña un bista di e kuido ku De SGR-Groep ta brinda na nan fasilidatnan i por ta testigu di e kolaborashon entre Kòrsou i Aruba.
E “rondleiding” a tuma lugá na e lokalidatnan di Fundashon Verriet na Emmastad, Santa Maria i De Savaan.
A bishitá tambe e lokalidatnan di Revalidatiecentrum Curaçao i Curaçao Orthotics & Prosthetics, pa haña un bista di e otro produktonan di kuido ku De SGR-Groep ta brinda, manera kuido di rehabilitashon i kreashon di produktonan ortopédiko.
Ambos Minister a keda sumamente kontentu pa tur loke nan a mira i a gradisí e tim di De SGR-Groep pa e oportunidat ku nan a haña pa por a risibí tur e informashonnan balioso aki.
























































