Promé Minister sr. Gilmar Pisas a RISIBÍ REPRESENTANTENAN DI ALGEMENE ONDERWIJSBOND

Promé Minister sr. Gilmar Pisas a RISIBÍ REPRESENTANTENAN DI ALGEMENE ONDERWIJSBOND

 

Willemstad – Promé Minister sr. Gilmar Pisas a risibí representantenan di Algemene Onderwijsbond (AOb) di Hulanda dia 18 di aprel 2024.

 

E meta di e bishita aki tabata pa e miembronan di AOb por a sera konosí ku Promé Minister sr. Pisas.

E delegashon di AOB a keda presentá pa e Sindikato DOEN.

E delegashon Algemene Onderwijsbond (AOb) tabata konsistí di sr. Anton Bodegraven (hurista) i sra. Ellen Scholten (Rayon bestuurder).

E delegashon di Sindikato DOEN tabata konsistí di sra. Marbella Felipa (presidente), sra. Jurine Nieddu-Evertsz (vise-presidente), sr. Alvaro Alberto (segundo sekretario), sra. Dayenne Reed (komisario Havo/Vwo i Sbo) i sra. Misjenou Romano (komisario Fo/So).

 

Durante di e bishita a elaborá riba diferente punto ku tin di haber ku e diferensianan ku tin den e struktura di enseñansa entre esun di Kòrsou i esun di Hulanda, meta di kada sindikato i e forma ku nan ke bai traha huntu den futuro.

 

AOb a hiba kombersashonnan tambe ku diferente otro sindikato i organisashonnan na Kòrsou i a ofresé sosten na tur kaminda tin nesesidat pa ku esaki.

Pa AOb e ta importante pa nan por traha ku tur hende ku tin enseñansa na pechu.

 

Promé Minister sr. Pisas a gradisí e representantenan di AOb i Sindikato DOEN pa tur e informashonan ku e la risibí serka nan.