KOMUNIKADO DI PRENSA 199/2024
23 aprel 2024

Detenshon relashoná ku ladronisia di Quad

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di ladronisia di “quad” ku a tuma lugá dia 22 di aprel 2024 den área di
Cas Grandi, polis a realisá un detenshon.
Djaluna 22 di aprel 2024 alrededor di 12.30.’or, e tim ku ta investigá ladronisia di vehíkulo,
a detené e hòmber R.D.M.D. di 27 aña di edat nasé na Kòrsou, pa e kaso ariba menshoná.
Su detenshon a tuma lugá den Kaya Dodo Palm.
A presentá e sospechoso dilanti di un fiskal ouksiliar, ku a ordená su enkarselamentu
pendiente di mas investigashon.