KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

MANTENSHON DI KAYA CINTHIA I KAYA CONSOLEA

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

MANTENSHON DI KAYA CINTHIA I KAYA CONSOLEA

PUBLIKÁ RIBA 25 APREL 2024

Willemstad – Minister Charles Cooper huntu ku Servisio pa Obra Públiko (OW) ta informá ku entrante 29 di aprel te ku 7 di mei, trabounan di mantenshon ta bai tuma lugá riba kaya Cinthia i kaya Consolea. Esaki lo tin un durashon di un siman.
E trabou ta konsistí di kita asfalt bieu i asfaltá e kayanan di nobo. Kontratista Curaçaose Wegenbouw Maatschappij (CWM) ta enkargá ku ehekushon di e trabou. Orario di trabou lo ta di 8or di mainta pa 5or di atardi.
Durante ehekushon di e trabounan aki, habitantenan i negoshinan ku ta keda den e área aki por yega nan kas òf establesimentu normalmente. Pa otro outomobilistanan ku sa hasi uzo di e karetera aki, lo tin ruta alternativo ku lo wòrdu guiá pa bari oraño i bòrchinan.
Minister Charles Cooper huntu ku Servisio pa Obra Públiko ta sigui traha! Huntu a bin ta drecha Kòrsou su infrastruktura, inkluso mantenshon di diferente kaminda, lusnan di tráfiko, kayanan elevá, pone ‘cat-eyes’, i hopi  mas. Lo sigui hasi esaki den transkurso di e periodo benidero. Tin mas proyekto den preparashon.
Minister Cooper huntu ku OW ta hasi un apelashon na nos pueblo pa tene kuenta ku tin trabounan tumando lugá:
• kore ku koutela,
• sali kas un poko mas trempan,
• respetá reglanan di tráfiko i desviashonnan, i
• ban poko poko riba kaminda.
E trabounan aki ta kontribuí na mehorá kalidat di bida na Kòrsou.

Leave a Reply

This site uses Akismet to reduce spam. Learn how your comment data is processed.