TRAYEKTO INTERMINISTERIAL ENTRE GMN I OWCS

Ministerio di GMN a desaroyá pakete edukashonal BIBA AMISTAT pa muchanan di grupo 6, 7, i 8 relashoná ku e tema di AMISTAT… ku ta hiba na E TRAYEKTO BIBA AMOR
Ministerio di GMN a lansa lèspakèt Biba Amistat pa alumnonan di skol básiko
Willemstad – Djárason último a lansa e lèspakèt di e bunita proyekto Biba Amistat. Esaki ta un lèspakèt ku a keda desaroyá netamente pa e di dos siklo di eseñansa di fundeshi. Esaki ta un metodo pa duna muchanan di gupo 6 te ku 8 un vishon di e áreanan di desaroyo propio i resiliensia. Un metodo di lès interaktivo ku ta trata tópikonan manera; pubertat, imahen propio, resiliensia i seksualidat. Meta no ta solamente informá muchanan di siklo dos tokante e tópikonan aki, pero alabes enkaminá dialogo entre mucha ku mucha, ku dosentenan i ku nan mayornan.