Detenshon relashoná ku maltrato

KOMUNIKADO DI PRENSA 204/2024
26 aprel 2024
Detenshon relashoná ku maltrato
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 25 di aprel 2024 alrededor di 17.03’or, Sentral di Polis a haña notifikashon ku tin
un problema familiar na un adrès na Flip.
Na yegada polis a topa ku un hòmber tur na sanger i ku un kap na su kabes.
Mesora polis a pidi asistensia di ambulans na e sitio, ku a transportá e víktima pa Sala di
Emergensia di C.M.C. pa tratamentu médiko.
Segun e investigashon ku polis a hasi na e sitio a sali na kla ku tabatin un problema entre un
yu hòmber i su mama i esaki a eskalá na momentu ku tata di e yu a uni su mes den e
problema.
Einan a start un bringamentu entre nan i pareha di e mama. Durante di e pelea e yu
hòmber i su tata a maltratá e partner di e mama di tal manera ku el a sufri varios leshon i
tabata sangra bastante.
Na e sitio polis a detené dos hòmber J.J.H. di 33 aña di edat i N.E.H. di 57 aña di edat,
ámbos nasé na Kòrsou, pa e kaso ariba menshoná.
A presentá e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.

