PRESENTASHON DI BLUE WAVE ACADEMY DJADUMINGU 28 DI APREL 2024 DEN STADION RIGNAAL ‘JEAN’ FRANCISCA

PRESENTASHON DI BLUE WAVE ACADEMY

DJADUMINGU 28 DI APREL 2024 DEN STADION RIGNAAL ‘JEAN’ FRANCISCA

 

 

Djadumingu 28 di prel 2024 pueblo di Kòrsou kompletu ta keda kordialmente invitá na e presentashon ofisial di Blue Wave Academy!

 

Blue Wave Academy ta un proyekto nobo di FFK kaminda hungadónan muhé i hòmber di kategoria U-9 te ku U-15 a keda selektá mirando ku nan a logra destaká pa nan abilidatnan futbolístiko, pa forma parti di nos selekshonnan nashonal ku lo representá Kòrsou na diferente torneo internashonal. Esaki ku e meta pa e hungadónan aki sigui desaroyá nan talentonan pa despues sigui saka kara di Kòrsou riba nivel lokal i internashonal.

 

Durante e presentashon di Blue Wave Academy lo por sera konosí ku nos selekshonnan, lo haña un splikashon un poko mas amplio di e bunita proyekto aki i despues lo tin un momentu kaminda esnan presente por interkambía ku otro riba futbòl i e demas proyektonan di FFK pa futuro.

 

E presentashon aki ta pa henter pueblo di Kòrsou i lo tuma lugá den Stadion Rignaal ‘Jean’ Francisca. E aktividat lo kuminsá for di mitar di 1 di mèrdia te 3’or di atardi i presentashon mes lo tuma lugá riba tereno pa mitar di 2 di mèrdia.

Bin pasa un rato ameno ku bo famia, disfrutá di bon músika, kome, bebe i serka konosó ku Blue Wave Academy!

FFK i Blue Wave Academy ta warda bo…kòrda ku entrada ta grátis!