Tres hòmber detené pa violashon di lei di arma di kandela i droga

KOMUNIKADO DI PRENSA 207/2024
28 aprel 2024
Tres hòmber detené pa violashon di lei di arma di kandela i droga
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 28 di aprel 2024 alrededor di 00.23’or di mardugá, Sentral di polis a risibí un
yamada ku dilanti di un toko den área di Soto tin tres hòmber ku arma di kandela.
Na yegada di e unidat polisial, el a topa ku e hòmbernan akí i durante di kontròl riba nan, a
bin enkontrá un di e hòmbernan ku tabatin un bala skèrpí den su poder.
Kontinuando ku e investigshon den e mesun área polis a haña i konfiská un arma di kandela
i un kantidat di mariwana.
Na e sitio a detené e hòmbernan J.E.D. di 19 aña, J.D.S. di 17 aña i R.C.W. di 29 aña di
edat tur tres nasé na Kòrsou, pa e kasonan ariba menshoná.
A presentá e trio sospechoso dilanti di un fiskal ouksiliar, ku a ordená su enkarselamentu
pendiente di mas investigashon.
