TORNEO WEGA LIMPI

WILLEMSTAD – Unidat di Bario Kòrsou (UDBK) den kolaborashon ku Pan American Development Foundation (PADF) a organisá un torneo di futbòl: ‘WEGA LIMPI’,  ku tin komo meta pa stimulá integrashon di e diferente nashonalidatnan ku ta biba na Kòrsou. Minister enkargá ku deporte sr. Sithree van Heydoorn a bishitá e torneo i aapoyá e organisadnan pa sigui ku e proyekto akí. 

UDBK ta un organisashon ku ta traha pa mehorá kalidat di bida, desaroyo komunitario, ta sostené organisashonnan internashonal i lokal den asistensia humanitario pa migrante. E torneo di futbòl, yamá ‘Wega limpi’, ta pa konsientisá e komunidat lokal i e migrantenan di e nesesidat di biba huntu den pas, ku rèspèt, resolvé problema i konflikto di un manera pasífiko tantu na kas, den bario i riba nos pais.  Ekipo di hungadó lokal i migrante manera e.o di Venezuela,Colombia, Haiti i Jamaica a partisipá. 

Por mira bèk riba un aktividat eksitoso i Minister Sithree van Heydoorn a keda hopi Kontentu ku ta hasi uso di deporte pa stimulá integrashon den nos komunidat i imigrantenan di manera positivo.  

Pa mas informashon bishitá: Torneo Wega Limpi