KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

DEPORTE

Anunsio Minority’s Freedom Breakfast

 

Anunsio Minority’s Freedom Breakfast

 

Apresiabel amigunan di Minority’s,

 

Nos komo esnan perhudiká dor e Kinderopvang Toeslagen Affaire na Hulanda, tin komo organisashon Minority’s KOT/CAS i djadumingu 5 di mei nos ta organisando un evento spesial, yamá Freedom Breakfast. Esaki ta un selebrashon di libertat, diversidat i hermandat.

 

Nos ta bebe sòpi. Sòpi di libertat! E simbolo di Freedom Meals. Tur hende ta risibí un kòmchi. Nos ta deseá di kompartí e historianan i eksperensianan personal di esnan perhudiká, den Karibe, ku e komunidat lokal aki na Korsou.

Tambe nos lo tin e oportunidat na mesa pa kompartí ku amor i rèspèt, nos historianan, di loke libertat ta nifiká pa nos, despues di nos eksperensia ku e Kinderopvang Toeslagen Affaire i di wòrdu persigi dor di estado Hulandes.

 

Dia 5 di mei nos ta sinta na mesa komo esnan perhudiká, pa kompartí historianan i pa huntu selebrá libertat. Uniko kos ku bo tin ku hasi pa djòin nos ta inskribí bo mes via   https://forms.gle/X53WfqSC8Q8UzVBF6 of minorityscas@gmail.com.

 

Fecha: 05 di mei 2024

Orario: 08:00 AM te ku 11:00 AM

Sitio: Pedro Luis Brion School

 

Nos ta spera di kurason di por selebrá libertat, diversidat i konektividat huntu ku abo durante di e Minority’s Freedom Breakfast. Lo tin stand di informashon, bouncer, arte i kos dushi di nos mayornan mes.

 

Pa mas informashon por tuma kontakto libremente ku Eliza Croes +5999 662 4683 i

Erica Wever +5999 514 6883 di Minority’s KOT/CAS.

 

Yama nos pa informa kiko bo por yuda nos kune!

 

Saludos kordial,

 

Minority’s KOT/CAS

639114718427035"
639114718427035"