14 di MEI 2024    Charla: “MALESANAN DI PULMON (COPD)” na Sentro di bario Souax

 

14 di MEI 2024
   Charla:
“MALESANAN DI PULMON (COPD)”
na Sentro di bario Souax

Fundashon Pro Souax, Sentro di Bario Souax i Sentro Médiko Souax ta informá  habitantenan di barionan di Souax, Gato i bisindario i tur otro interesado, ku djamars awor 14 di mei lo tin otro interesante charla riba salú i kuido di salú. Tópiko di e luna aki ta :

                              “MALESANAN DI PULMON (COPD)”

Durante e charla dr. Oliva lo trata malesanan di pulmon ku ta hasi difísil pa hala rosea.
E lo duna amplio splikashon di e formanan mas konosí di e malesa. Tambe dr. Oliva lo amplia riba simptomanan, kousa, diagnóstiko i tratamentu di e malesa i kon pa prevení esaki.

Enfermedat pulmonar opstruktivo krónika (COPD) no ta afektá solamente e pashènt di e malesa aki, pero e ta afektá bida di tur dia di miembronan di famia i amigunan di e pashènt.
Pa e motibu aki e charla aki ta interesante pa famia i amigunan di e pashènt tambe asistí.

E charla ta tuma lugá na Sentro di Bario Souax di shet’or pa mitar di nuebe di anochi.
Entrada ta grátis i durante e charla lo tin amplio oportunidat pa hasi pregunta.
Un i tur ta keda kòrdialmente invitá pa bin skucha informashonnan interesante riba e tópiko aki.

Charla SALU I KUIDO DI BO SALU Tópiko   : «MALESANAN DI PULMON (COPD)” Oradó   : Dr. OCTAVIO OLIVA Dia        : Djamars 14 di MEI 2024 Ora        : Shet’or pa mitar di nuebe di anochi  (19.00 – 20.30) Lugá      : Sentro di bario Souax                            Entrada  : GRATIS