Meldkamer sentral a risibí notifikashon tokante un bringamentu riba Kaya L.D. Gerharts

Den oranan di márduga di awe, djasabra 11 di mei, meldkamer sentral a risibí notifikashon tokante un bringamentu riba Kaya L.D. Gerharts durante kua mester tabatin tiramentu di bòter i lòsmentu di bala. Na yegada di patruya no a topa ku niun viktimá pero si a haña rastro di sanger abou. Ningun persona no a mèldu na hospital tampoko ku herida di bala. Personanan presente na e sitio a deklará di no a mira ni tende nada. Investigashon den e kaso ta andando.
Polis ta pidi kaulkier persona ku por a mira algu, tende algu òf tin informashon relevante pa e investigashon, pa tuma kontakto ku polis na 715 8000, òf via e liña di tep anónimo 9310.