KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Dies personal di SDKK ta risibí Sertifikado di ‘Scanner Image Interpretation’

WILLEMSTAD – Djabièrnè 18 di òktober, 10 personal di Sentro di Detenshon i
Korekshon Kòrsou (SDKK), a risibí nan Sertifikado di ‘Scanner Image Interpretation’
serka Smart Security Consultancy &Training. Smart Security Consultancy &Training
ta un kompania spesialisá pa duna training riba diferente área di seguridat.
Den kuadro di esaki 10 personal di SDKK a sigui e kurso ariba menshoná ku tabata
tin e parti teorétiko i práktiko. E ophetivo di e kurso tabata pa duna e personal di
SDKK, e konosementu kon pa alsa nivel i servisio di seguridat na momentu ku tin ku
hasi uso di x-ray mashin durante kòntròl.
Durante un seremonia di entrega di sertifikado, e 10 personal di SDKK a risibí nan
Sertifikado di ‘Scanner Image Interpretation. Na e okashon aki a hiba palabra hefe di
seguridat di prizòn sr. Michael Isenia, ku a felisitá e personal pa ku nan logro.
Seguidamente a hiba palabra dos kursista sr.Ludwig Casser i sra. Jamila Pietersz ku
a duna un resúmen kòrtiku di nan eksperensia di e trayekto di e kurso ku a keda
duna durante 1 siman ku a pasa. Finalmente sr. Reginald Romer den representashon
di Minister di Hustisia sr.Shalten Hato tambe a felisitá i pone énfasis ku formashon i
desaroyo di e personal di SDKK ta importante.
E seremonia a terminá den ambiente ameno kaminda tur presente por a felisitá e 10
personal di SDKK. Gerensia di SDKK ta sumamente satisfecho ku e logro aki i lo
sigui traha pa alsa e servisio i seguridat na prizòn.

 

639114718427035"
639114718427035"