Siudat Zoetermeer a keda di shòk ku e notisia di fayesimentu di e Kurasoleño Tico Roozendaal (56).

Siudat Zoetermeer a keda di shòk ku e notisia di fayesimentu di e Kurasoleño Tico Roozendaal (56). Tico ta konosí pa su fishi di drecha sapatu i su guia pa hóbennan den e suidat. Su personalidat i su aporte a hasi di Tico un persona hopi kerí.

Su mishon tabata bisto ku transformashon di e sentro komersial kaminda su establesimentu di drecha sapatu tabata situá. Tico a gana varios premio i rekonosementu nashonal i internashonal pa su trabou i e tabata un miembro rekonosé di ‘het Schoenmakers’.

Tico a guia diferente hóben ku tabata riba mal kaminda i a yuda nan keda riba bon kaminda. Varios hóben ku tabata sòru pa molèster den e sentro komersial kaminda Tico su establesimentu tabata situá, a kambia nan bida ku yudansa di Tico.

Tico a nase na Kòrsou i tabata konosí pa su dedikashon inkansabel pa organisashonnan. E tabata limpia sapatu den kasnan di kuido, drecha sapatu pa hendenan dependiente di Voedselbank i tabata bai kermis ku muchanan menos pudiente.

Tico ta laga tras su kasá i nan 2 yunan. Su famia na Kòrsou tabata risibí bishita regular di Tico. Pa rèspèt pa privasidat di su famia no ta divulgá motibu di su fayesimentu. Komunidat ta rekordá Tico komo un persona sosial i semper kla pa yuda su próhimo.