Detenshon relashoná ku violashon di lei di LTU    

 

KUERPO POLISIAL KÒRSOU

KOMUNIKADO DI PRENSA                                    

220/2024

13 mei 2024                                                                       

 Detenshon relashoná ku violashon di lei di LTU    

 

Djadumingu 12 di mei 2024, alrededor di 11.18’or, sentral di polis a haña notifikashon ku den Kanga un hòmber a dal ku su outo kontra di un kurá i ta tratando na bandoná e sitio.

Na yegada e unidat a bin topa ku un dama ku a deklará ku un hòmber a dal den su kurá di kas.

Kontinuando ku e investigashon, polis a hasi un kontròl riba e shofùr i a resultá ku e hòmber akí ta permanesé ilegal riba nos isla.

Na e sítio polis a detené e hòmber D.O.M. di 38 aña di edat nasé na Jamaica, en konekshon ku violashon di lei di Atmishon i Ekspulshon (LTU).

 

A entreg’é na Departamento di Imigrashon ku a ser’é  pendiente di su deportashon bèk pa su pais.