TRABOUNAN DI MANTENSHON RIBA MONTILONESWEG, OLINDAWEG, I PRIARIEWEG
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TRABOUNAN DI MANTENSHON RIBA MONTILONESWEG, OLINDAWEG, I PRIARIEWEG
PUBLIKÁ RIBA 14 MEI 2024
Willemstad – Minister Charles Cooper huntu ku Servisio pa Obra Públiko (OW) ta anunsiá ku ta bai hasi trabounan di mantenshon riba Montilonesweg, Olindaweg, i Priarieweg. E kayanan aki ta situá entre Gosieweg i Kaya Vladimir R. R. Coco Balentien.
Trabounan ta kuminsá riba djaluna 20 di mei i lo tin un durashon di 7 anochi. Lo traha di 8or di anochi pa 5or di mainta. Kontratista CWM ta enkargá ku ehekushon di e trabounan aki. E trabounan lo wòrdu hasi den diferente fase.
Habitante i komersiantenan riba e kayanan aki lo keda aksesibel durante ehekushon di e proyekto aki. Lo tin diferente desviashon di tráfiko durante e fasenan. Tene kuenta i kore ku koutela
Minister Cooper huntu ku OW ta gradisí komunidat pa e komprenshon.