PREPARASHONNAN PA NOS SELEKSHON NASHONAL VS BARBADOS AKI NA KÒRSOU 5 DI YÜNI DEN STADION ERGILIO HATO TA KONTINUÁ!
PREPARASHONNAN PA NOS SELEKSHON NASHONAL VS BARBADOS AKI NA KÒRSOU 5 DI YÜNI DEN STADION ERGILIO HATO TA KONTINUÁ!
Tiki tiki pero sigur nos ta yegando e fecha kaminda nos selekshon nashonal lo tin su promé enkuentro di nos partidonan pa kualifikashon pa Mundial di FIFA. Djárason 5 di yüni próksimo nos lo enfrentá Barbados aki na Kòrsou den Stadion Ergilio Hato pa mitar di 8 di anochi.
Nos segundo partido lo ta djasabra 8 di yüni 2024 kaminda nos los topa Aruba aya na Aruba pa 8’or di anochi den Centro Deportivo Guillermo Prospero Trinidad.
Manera semper nos tin diferente sekshon, kada ku nan entrada separá pa por ingresá Stadion Ergilio Hato riba dia di wega. Portanan ta habrí for di mitar di 6 di atardi, pues yega trempan pa evitá stagnashon na porta.
Sekshon A por drenta di porta 1 òf 2
Sekshon B por drenta di porta 3
Sekshon C por drenta di porta 4 òf 5
Sekshon D por drenta di porta 5
Tribuna di honor i VIP por drenta di porta 6
E karchinan pa e partido entre Kòrsou i Barbados ya ta disponibel na tur punto di benta.
Entrada general pa e partido aki ta kosta fl.25 pa adulto miéntras mucha di 6 pa 12 aña i 60+ ta paga fl.15,-. VIP ta kosta fl.125,- ku bibida i ‘snacks’ inkluí.
Karchinan ta optenibel na siguiente puntonan di benta;
- Ofisina di FFK (9am-5pm)
- Pòmp di gasolin Sta Maria
- Botika Mampuritu
- 4th of July snèk na Barber
- Mensing’s Caminada
Kumpra bo karchi trempan pasó t’un tabla lo bula dia 5 di yüni 2024 den Stadion Ergilio Hato pa mitar di 8 di anochi.
Ainda bo no tin bo karchi???
