AKUERDO PA MANEHO DI TERENO PA DEPORTE NA NOORD SAPATÉ I MUIZENBERG
MINISTERIO KONSERNÍ TRÁFIKO, TRANSPORTE I PLANIFIKASHON URBANO
AKUERDO PA MANEHO DI TERENO PA DEPORTE NA NOORD SAPATÉ I MUIZENBERG
PUBLIKÁ RIBA 17 MEI 2024
Willemstad – Mas ku 200 mucha i hóben lo tin e oportunidat den futuro serkano pa hunga beisbòl na Noord Sapaté. Tambe den área di Muizenberg lo tin oportunidat pa hasi deporte.
Minister Charles Cooper huntu ku Minister Sithree van Heydoorn a firma dos akuerdo di maneho (‘beheersovereenkomst’) riba djaweps 16 di mei 2024. E promé akuerdo ta entre Gobièrnu di Kòrsou i Fundashon Van Engelen Youth Baseball Organization pa un tereno na Noord Sapaté.
Fundashon Van Engelen Youth Baseball Organization a hasi un petishon pa por a bin na remarke pa manehá i mantené e tereno menshoná. E akuerdo ta bálido pa 5 aña.
Tambe, Minister Charles Cooper huntu ku Minister Sithree van Heydoorn a firma un di dos akuerdo di maneho (‘beheersovereenkomst’) entre Gobièrnu di Kòrsou i Stichting Akademia Pa Deporte i Rekreo un Grasia.
E akuerdo aki ta pa un tereno di mas o ménos 11439 meter kuadrá pa deporte na Muizenberg ántes konosí komo Vasco de Gaba. Stichting Akademia Pa Deporte i Rekreo un Grasia a hasi un petishon pa por a bin na remarke pa manehá i mantené e tereno menshoná . E akuerdo ta bálido pa 5 aña.
E desaroyonan aki ta kontribuí pa kontribuí na un mente sano den un kurpa sano paso no únikamente lo tin kresementu di oportunidatnan di deporte pa nos pueblo por rekreá i keda den kondishon pero tambe pa por hasi dibertishon positivo i saludabel den grupo, ku amistatnan i/òf ku famia kaminda lasonan lo wòrdu fortifiká.