KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Akshon di kontròl riba produkshon illegal di karbon na Cocori 

Akshon di kontròl riba produkshon illegal di karbon na Cocori 

Willemstad –  Ayera un tim multidisiplinario kual ta konsistí di kolaboradónan di Inspekshon di Medio Ambiente i Naturalesa, Kuerpo Polisial, Handhavingsteam di Ministerio di VVRP i Brantwer efektuá un akshon den área di e antiguo kriadero di porko di LVV na Cocori. E akshon aki a tuma lugá riba indikashon di Minister di Salubridat, Medio Ambiente i Naturalesa señor Javier Silvania, i tabatin komo meta pa stòp e produkshon di karbon ilegal riba tereno di gobièrnu. Esaki ya pa basta tempu tabata okashoná hopi molèster serka habitantenan parti p’abou di e sitio.

Akshon nesesario

Riba 25 di september 2023 Minister Silvania a duna òrdu pa stòp e produkshon ilegal di karbon riba e terenonan menshoná na Cocori. Esnan ku ta aktua kontra lei no a duna oido na e diferente atvertenshanan kual a hasi e akshon nesesario. Ta trata aki di aplikashon di art. 34 lid 7 di e Ordenansa di Molèster Kòrsou.

Eliminashon di e fornunan i karbon

Durante e akshon a eliminá tur e fornunan, palu i karbon ku tabatin na e sitio. Brantwer den e kaso aki a duna asistensha i paga e fornunan ku tabata sendé pa di e manera aki eliminashon por a tuma lugá di un forma safe. Finalmente Handhavingsteam di VVRP a sera e tereno  den kuadro di okupashon ilegal di tereno i a pone bòrchinan di atvertensha.

Na e sitio a kontrolá tambe un persona ku na e momentu ei tabata transportá palu i shushi pa e tereno i e persona aki a keda verbalisá.

E akshon di kontròl aki a mustra ku aktividatnan ilegal ku ta dañino pa medio ambiente òf ta krea molèster pa habitantenan den bisindario no ta wòrdu tolerá mas. Instanshanan konserní lo keda kontrolá hopi di aserka i kaminda ta nesesario ta aktua mesora.

639114718427035"
639114718427035"