Promé fiesta di lesa na biblioteka un éksito rotundo
Promé fiesta di lesa na biblioteka un éksito rotundo
Riba djasabra 18 di di mei 2024 Biblioteka Públiko Boneiru tabata yená ku mucha kontentu di 2 pa 4 aña, durante e promé edishon di Fiesta di Lesa. E tema tabata ‘Fiesta’ i e kuenta ku nan a lesa pa e muchanan tende tambe tabata bai tokante esaki. Despues ku e muchanan a skucha e kuenta, nan a traha korona di fiesta i nan a kome kùpkeik. E muchanan i nan mayornan tabata entusiasmá tokante e aktividat. Pa e aña akí tin mas fiesta di lesa pa mucha riba agènda di biblioteka. E fiestanan di lesa ta forma parti di e plannan ku biblioteka tin pa na edat hóben siña nos muchanan ku lesamentu ta hopi dushi. Dia 1 di yüni 2024 biblioteka ta organisá un fiesta di lesa atrobe, e biaha akí pa mucha di 0 pa 2 aña. Pa partisipashon por fabor registrá via email eventsbibliotekapubliko@bonairegov.com òf yama 715 5344.


