Kimberly de Boer elegí komo Miss Universe Curaçao 2024
Kimberly de Boer elegí komo Miss Universe Curaçao 2024
WILLEMSTAD – 26 di mei 2024 – Curaçao Beauty Pageant Committee ku orguyo ta presenta e ganadora absoluto di e sertamen Miss Universe Curaçao 2024; Kimberly de Boer.
Djasabra ultimo, den un sala ‘sold out’ na Sandals Royal Curaçao, e evento magno mas grandi di beyesa di Kòrsou a tuma lugá ku hopi glamur i elegansia.
Esaki ta e di 62 aña, ku Kòrsou ta eligí un Reina pa por kompeti den nos representashon riba tarímanan di beyesa internashonal.
Bòu di guia di Maestronan di seremonia Monifa Jansen i Mario Marques, e produkshon di e evento Miss Universe Curaçao 2024 ta ser konsiderá komo un di esnan mas eksitoso den historia di sertamennan na Kòrsou.
Aparte di e transmishon lokal, e aña aki tambe miones di fanatikonan por a eksperensia e sertamen aki via transmishon ‘bibu’ di streaming via plataformanan ofisial di e organisashon Miss Universo.
aki e resultado di e sertamen Miss Universe Curaçao 2024:
- Miss Universe Curaçao 2024: Kimberly de Boer
- Promé finalista: Jesmelys Angelista-Zink
- Segundo finalista: Mylene Simon
Palabranan di orguyo i gradisimentu ta kai chikí pa Curaçao Beauty Pageant Committee pa gradisi inmensamente su ekipo logístiko, su elenko di hurádonan, kolaboradornan i otro partnernan ku a logra hasi e sertamen posibel – manera entre otro: Direct Media Curaçao / Sandals Royal Curaçao / RO Productions / Inspiracion Curaçao / Cpost International / Aerolinea Laser de Venezuela / The Rif at Mangrove Beach Corendon Curaçao / Base Creatives / Clincho / Curaçao Tourist Board.
Curaçao Beauty Pageant Committee ta inisia de imediato e trajekto intenso #RoadtoMissUniverse di preparashon pa nos Miss Universe Curaçao 2024, Kimberly de Boer, pa e elekshon di Miss Universe 2024, kual lo tuma luga na Novèmber proksimo na Mexico.
