KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

FARANDULA - SOSIAL - ARTENOTISIA

NA MEMORIA DI ULTIMINIO GONZALEZ

 

NA MEMORIA DI ULTIMINIO GONZALEZ

 

Direktiva di AMAK a risibí e tristu notisia ku e kantante músiko Ultiminio Gonzalez a bai laga nos.  

Ultiminio ta un di e partisipantenan ku a logra bastante éksito durante su trayektoria den Festival di Tumba i ta bon pa nos menshoná aki ku en total el a partisipá 11 biaha na Festival di Tumba.  Ultiminio a debutá den Festival di Tumba na 1990 ku e tumba “Primi, Pusha, Pèrta”

Un di su komposishonnan ku a bira hopi popular ta “Spiritu di Alegria” ku el a klasifiká ku agrupashon musikal O.K. na 1997.

Su último partisipashon na Festival di Tumba tabata na 2013 ku agrupashon musikal WESU i na e okashon aki e no a klasifiká. Na 2016 Ultiminio Gonzalez a partisipá tambe na Un Kanto pa Kòrsou. Último añanan e tabata aktivo den Mariachi.

Direktiva di AMAK a komprondé ku  e tabata sufriendo kebrante di salú durante último tempu i  awe el a bai sosegá.

Direktiva di AMAK ta manda palabranan di kondolensia na famianan di Ultiminio Gonzalez, na Grupo Musikal O.K. i tambe e otro agrupashonnan musikal ku el a yega na aktua den dje i na tur su fanatikonan. Ultiminio sosegá na pas.

 

Direktiva di AMAK

639114718427035"
639114718427035"