MINISTER COOPER HUNTU KU FKP TA EHEKUTÁ PLAN DI MANTENSHON KASNAN SOSIAL
MINISTERIO KONSERNÍ TRÁFIKO, TRANSPORTE I PLANIFIKASHON URBANO
MINISTER COOPER HUNTU KU FKP TA EHEKUTÁ PLAN DI MANTENSHON KASNAN SOSIAL
PUBLIKÁ RIBA 27 MEI 2024
Willemstad – Minister Charles Cooper huntu ku Fundashon Kas Popular (FKP) a pone man na obra pa kuminsá ehekutá un plan di mantenshon pa kasnan sosial di Gobièrnu. Tur habitantenan di kasnan sosial di Gobièrnu mester por biba den un kas bunita di paden i bunita di pafó.
Pronto FKP i Minister Cooper lo duna informashon di tur e barionan ku ta na bùrt pa haña mantenshon di nan kas. P’esei ta importante pa tur habitante dje kasnan aki aktualisá nan datonan personal na ofisina di FKP.
Den e plan di mantenshon di kasnan di Gobièrnu, kasnan ku tin mas tantu tempu ta warda riba mantenshon i kasnan den estado físiko hopi deplorabel ta bai haña preferensia.
Keda na altura di tur desaroyo via di medionan sosial di Minister Cooper, FKP, i VVRP
Huntu nos ta alsá kalidat di bida na Kòrsou!

