MLB ELITE CURAÇAO PREPARANDO PA TORNEO NA VERO BEACH FLORIDA
MLB ELITE CURAÇAO PREPARANDO PA TORNEO NA VERO BEACH FLORIDA
WILLEMSTAD – MLB Elite Development Program (EDP) Curaçao ta den full preparashon pa manda un delegashon di su hungadónan na MLB su 2024 Breakthrough Series Invitational na Jackie Robinson Training Facility na Vero Beach, Florida. E torneo ku lo tuma lugá di 13 pa 16 di yüni próksimo lo ta pa hungadónan U17 kaminda e mihó programanan di desaroyo di beisbòl di Merka, Puerto Rico, Brasil i Kòrsou lo partisipá. E 11 hungadónan di e programa di MLB di Kòrsou lo uni ku 9 hungadó di e programa di Brasil pa asina forma un tim internashonal.
E programa di MLB EDP Curaçao ya tin 3 luna intensivamente ta train un grupo selekto di 28 hóben lokal i preparando nan pa un posibel karera profeshonal den beisbòl of posibilidat pa optene un beka ku un universidat Merikano. E programa lokal ta keda kordina pa coach Eduardo de Leon (Spaña) i asisti pa Temi Liendo (Venezuela), Enrique Burgos (Panama) i e coachnan lokal Rudy van Heydoorn, Gustavo de Jongh i Clinton Leocadia. Coach de Leon ta hopi satisfecho kon e hóbennan den e programa a bin ta desaroya nan abilidatnan beisbòlistiko e último lunanan i ta mira hopi potensial den nan. Coach de Leon den pasado tambe a kordiná e programa di MLB na Brasil i e ta konosí ku e hungadónan di e pais. Na Vero Beach e lo ta e manager di e tim kombiná Brasil/Kòrsou.
Minister di Desaroyo Ekonómiko i Turismo Ruisandro Cijntje, un gran fanatiko di beisbòl, a bishitá Tio Daou Ballpark resientemente pa mira kon e programa di MLB EDP lokal ta desaroyando. Coach de Leon a dun’é un briefing di e projekto i despues minister Cijntje tambe a papia ku e hungadonan di e programa. E la pidinan pa keda duna nan máksimo esfuerso pa sigui desaroyá nan mes i ku den futuro serkano e ta spera di mira nan sea hungando profeshonal of na un universidat na Merka. E la deseá e grupo ku ta bai Vero Beach próksimamente éksito i pa saka kara di Kòrsou. Partisipashon di nos hungadónan lokal na e torneo na Vero Beach lo sirbi tambe komo promoshon positivo pa nos isla. Mester bisa ku Curaçao Tourism Board (CTB) huntu ku Curaçao Baseball Development Foundation ta e dos sponsornan lokal di e programa di MLB Elite.
MLB ELITE CURAÇAO PREPARING FOR TOURNAMENT IN VERO BEACH FLORIDA
WILLEMSTAD – MLB Elite Development Program (EDP) Curaçao is in full preparations to send a delegation of its players to the MLB 2024 Breakthrough Series Invitational at the Jackie Robinson Training Facility in Vero Beach, Florida. The tournament will take place from the 13th to the 16th of June and will consist of U17 players from the best baseball development programs in the United States, Puerto Rico, Brazil and Curaçao. The eleven players from the MLB program in Curaçao will team up with nine players from the Brazil program and form an international team.
The MLB EDP Curaçao program has been training intensively for the past 3 months with a group of twenty-eight selected players, preparing themselves for a possible professional career or for the chance to obtain a scholarship with an American university. The local program is being led and coordinated by coach Eduardo de Leon (Spain) and assisted by Temi Liendo (Venezuela), Enrique Burgos (Panama) and the local coaches Rudy van Heydoorn, Gustavo de Jongh and Clinton Leocadia. Coach de Leon is very satisfied with how the players in the program have been developing their baseball skills the last couple of months and he sees a lot of potential in them. Coach de Leon in the past also coordinated the MLB program in Brazil and he knows the players and their potentials. In Vero Beach he will be the manager of the combined team Brazil/Curaçao.
Minister Economic Development and Tourism Ruisandro Cijntje, a great baseball fanatic and supporter, visited Tio Daou Ballpark recently to see how the local MLB EDP program was developing. Coach de Leon gave him a briefing on the local project and minister Cijntje later shared some words of wisdom and encouragement to the players. He asked them to give their all to continue to develop themselves and that in the future he hoped to see them play professionally or with and American university. He wished the group of players going to Vero Beach much success and to represent the island of Curaçao proudly. The participation of our local players at the tournament in Vero Beach serves in a way also as positive promotion for the island. It is good to mention that the Curaçao Tourism Board (CTB) together with the Curaçao Baseball Development Foundation are the two local sponsors of the MLB Elite program.
