Rennox Calmes Kontrolaria General na Silvania: no ta kambiá nada.

Parlamentario Rennox Calmes

 

            Niun minister tin poder pa manda KG kambiá nada. Populismo a dal den betòn.

        Kontrolaria General na Silvania: no ta kambiá nada.

                  SOAB a konstatá mésun fayonan. 2 instansia no por ta gaña riba minfin.

 

 

Rennox Calmes lider polítiko di Trabou pa Kòrsou: ma taha di konsekuensha di manipulashon di populismo. Ma atverti ku populismo no ta gusta regla i ta purba kibra órgano nan independiente pa nan no por kontrole.

 

Kontrolaria General a manda bisa Minister di finansas Sr. Silvania ku nan no ta hala nada paden ni hasi niun kambio na nan relato riba aña 2022. Pa kolmo awor ta bira konosí ku SOAB tambe a konstatá e mésun fayonan ku Kontrolaria General a konstatá.  Kontrolaria General ta raporta na Parlamento i SOAB na gobièrnu. Kemen konsiente mente gobièrnu a tene e rapòrt di SOAB skondí.

Ta masha normal i ta konosi na ministerio di finansas ku e minister mester manda prueba pa medio di dokumentashon. E minister no a manda nada di esaki nan pa Kontrolaria General. Debi ku minister di finansas no ta duna informashon ku Kontrolaria General ta pidi, no por kontrolá si tur kos den e post nan finansiero ta kuadra.  Esaki ta buta ku no por aprobá e kuentanan annual.  Tambe Kontrolaria General ta atverti, si e situashon keda manera e ta, lo no por aprobá kuenta annual 2026, di kua lo mester alkansá ku e “roadmap” ku Minister Silvania mes ta propaganda.

 

Tantu SOAB i Kontrolaria General ta mustra riba e punto ku nan no ta haña e dokumentunan na tempu ora nan manda pidi minister esaki nan i esaki ta tarda e trabòu i proseso di kontrolá kuentanan annual.

 

 

 

 

 

 

Lider di Trabòu Pa Korsou TPK, señor Rennox Calmes