NOS SELEKSHON FEMENINO TA KLA PA ENFRENTÁ ARUBA DURANTE NOS PROMÉ ENKUENTRO DI E CARIBBEAN QUEENS FRIENDLY MATCHES 2024!

NOS SELEKSHON FEMENINO TA KLA PA ENFRENTÁ ARUBA DURANTE NOS PROMÉ ENKUENTRO DI E CARIBBEAN QUEENS FRIENDLY MATCHES 2024!

E DIA A YEGA!

 

 

Tur kos ta kla pa nos selekshon nashonal femenino senior su promé partido di e Caribbean Queens Friendly Matches 2024  kaminda nos lo topa e selekshon di Aruba. E partido aki lo tuma lugá mañan 28 di mei 2024 den Stadion Rignaal ‘Jean’ Francisca pa 7’or di anochi.

 

Awe ‘tardi nos selekshon ta tin su último seshon di training ku a bai hopi bon. Nos hungadónan ta mentalmente i físikamente bon prepará pa saka nos kara mañan anochi.

 

Karchinan pa e partidonan di Kòrsou ta kosta fl.10,- pa adulto miéntras mucha di 6 pa 12 aña i 60+ ta kosta fl.5,-. Tambe por kumpra un pakete di karchi ku tur e 4 weganan di Kòrsou na balor di fl.35,- pa adulto i fl.15,- pa mucha di 6 pa 12 aña i 60+. E karchinan ta disponibel na e lokètnan di stadion un ora promé ku kada partido inisiá.

Spesialmente pa e partidonan aki lo tin algun t-shirt ros (unisex) di nos selekshon nashonal femenino na benta di diferente ‘size’ na balor di fl.85,-. Kumpra bo t-shirt trempan paso e kantidatnan ta limitá!

 

Nos selekshon ta enfoká i desidido pa bai ku e viktoria durante nos promé partido di Caribbean Queens Friendly Matches 2024. Pues ta abo so falta pa bin apoyá i sostené nos damanan mañan anochi!

 

FFK ta deseá nos selekshon femenino tur klase di éksito i tin sigur ku nan lo sa di hasi un bon trabou!

 

27 mei 2024

Modèl di t-shirt spesial pa e Caribbean Queens Friendly Matches 2024