SELEKSHON PARIBA TA SALI VIKTORIOSO I TA GANA SELEKSHON PABOU KU SKOR DI 3-1 NA TIRUNAN PENAL!

SELEKSHON PARIBA TA SALI VIKTORIOSO I TA GANA SELEKSHON PABOU KU SKOR DI 3-1 NA TIRUNAN PENAL!

 

 

Djasabra 22 di òktober den Stadion Rignaal ‘Jean’ Francisca ta tin un tremendo partido amistoso entre Selekshon Pariba ku Selekshon Pabou di e damanan áktivo den Kampionato Femenino.

Esaki komo preparashon pa Kampionato Femenino 2022-2023 ku ta plania pa inisiá na komienso di novèmber 2022.

 

E públiko presente a disfrutá di un tremendo partido kaminda e Selekshon Pariba a pika dilanti ku gol di Raëngelly Keller na di 53 minüt miéntras Anaïse Piar a anotá e gol di empate na 90+ minüt pa e selekshon di Pabou. Asina e partido aki a finalisá ku skor di 1-1 den e tempu reglamentario i despues a pasa pa tirunan penal kaminda e Selekshon di Pariba a gana ku skor di 3-1. E pinaltinan di e Selekshon Pariba a keda anotá pa Riesmarly Tokaay, Raëngelly Keller i Kaaisha Constansia i esun di Selekshon Pabou a keda anotá pa Anaïse Piar.

 

Christopher Jacobus ku su asistente Rovian Carolina ku tabata na kabes di e Selekshon di Pariba i Marisol Bomberg huntu Armand Martina ku tabata na kabes di e Selekshon di Pabou por mira bèk riba un tremendo partido kaminda nan hungadónan a duna tur ku tin pa bai ku e viktoria.

 

E meta di e partido aki tabata pa nos damanan ku no a keda selekshoná den un selekshon femenino, haña e oportunidat di forma parti di un selekshon i mas ku klaro midi forsa p’asina kuminsá prepará pa e kampionato ku lo kuminsá proksimamante.

 

FFK i Komishon Femenino ta gradisí tur ku a asistí, keda pendiente pa e inisio di Kampionato Femenino 2022-2023!