Eksitoso torneo di futsal “NOS KU NOS” na SENTRO di BARIO SOUAX

                                                                                                     



Eksitoso torneo di futsal “NOS KU NOS”
 na SENTRO di BARIO SOUAX

Den wikènt tras di lomba direktiva di Fundashon Pro Souax a organisá na Sentro di bario Souax un eksitoso torneo di futsal pa hobennan di bario di Souax. Pa e torneo aki sr. Wilvienson Ysophe, e hoben coach di deporte atardi na Sentro di bario Souax a forma 4 diferente tim di futsal ku for di 11or di mainta te 3or di atardi a kompetí kontra otro demostrando despues di algun luna di treineng, no solamente nan dominio di téknika di e deporte di futsal pero tambe nan komportashon deportivo. E hobennan partisipante ya pa 6 luna ta forma parti di e proyekto “Deporte na Souax” ku a bira realidat danki na sosten di “ KOLEKTIVO GRANT”.
Torneo “NOS KU NOS” a sirbi pa e coach haña un bon bista di desaroyo di kada hoben despues di 6 luna di práktika i a duna e hobennan e oportunidat pa den un ambiente ku dushi músika i algu di konsumo praktiká nan deporte preferí.
Direktiva kier gradesí sr. Luigi Angela pa su asistensia e.o. komo arbitro i sr. Sidney Valks di Sport Spot pa su asistensia pa ku materialnan pa ku e torneo. Un felisitashon ta bai tambe na tur e hobennan partisipante, pa e bon nivel di wega ku nan a demostrá pero tambe pa nan
komportashon durante e torneo.
Lòt pa sake di bala.

 

 

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: