KICK-OFF CRUYFF COURT TIMBER NA MONTAÑA

Direktiva di sentro di bario Montaña awe dia 3 di yüni 2024 ta marka historia debí na e echo ku
ta tuma lugá inisio di un proyekto ku pa bario di Montaña i bisindario lo bai nifiká un desaroyo
nobo pa loke ta trata fasilidat deportivo ku tur hende, grandi i chikí por bai hasi uzo di dje
manera ta planeá na yanüari 2025
Esaki ta resultado di un trayekto ku for di aña 2023 a kana riba distansia i konhunto ku JOHAN
CRUYFF FOUNDATION den persona di Simon van Rooijen , Roxanne (Rocky) di Favela Street,
Direktora di Maris Stella VSBO señora Angela Richardson i nos direktiva.
Simon van Rooijen a mira e nesesidat ku nos a señalá pa yuda drecha e kancha di deporte aki i
renobá esaki di tal manera ku nos por hasi mas faseta di deporte aki na sentro.
Ántes nos hendenan tabata uza e vèlt aki prinsipalmente pa futbòl i basket. Awendia e kancha
aki ta keda uzá pa hóbennan di bario i tambe skol Maris Stella bou di orario di skol e
alumnonan ta hasi deporte huntu ku nan dosente, nos hóbennan di Naschoolse opvang
Samen naar de Top i klupnan di patfenderei AJMG I Sint Domincus Groep .
Ta bin aserka ku pa mas di 4 aña Roxanne (Rocky) di Favela Street ta hasi uzo di nos
fasilidatnan di deporte den temporada ku e mes ta na Kòrsou. Esaki ta un proyekto inisiá aki na
Kòrsou kaminda Rocky a i ta promové deporte di futbòl femenino kaminda el a trein hóbennan
i nan, na nan turno ta bai motivá otro koleganan pa ku e deporte aki i nan ta bira e “role
model” pa nan grupo di edat. Rocky mes no por ta na Kòrsou na e momento aki pero e ta keda
representá pa Xiarella, ku ta un trèker i motor tambe tras di e proyekto aki di Favela Street.
Pues a base di esaki nos por a motivá pakiko nos ke drecha e kancha di deporte aki.
Despues di hopi lòbimentu ku e fundashon aki, nos a risibí na mart 2024 e grato notisia ku
porfin nos proyekto a keda aprobá.
Pa realisashon di e proyekto aki Johan Cruyff Foundation a aserká un kompania di kontratista
lokal pa bai ehersé e trabou di renobashon di e Kompleho di deporte vèlt i esaki a bira CWM.
E fundashon mes a kanalisá e proseso aki i for di nan kontaktonan a resultá e diseño ku awe
nos ta bai eksponé sperando ku via di tur nos medionan di komunikashon lokal, pueblo di
Kòrsou kompleto por bai tuma nota di loke nos por spera ku na yanüari 2025 lo keda kla i lo
hiba e nòmber di KOMPLEHO JURRIEN TIMBER, un futbolista profeshonal yu di Kòrsou ku ta
hunga futbòl na Inglatera i ta forma parti di e ekipo di Arsenal.
CRUYFF COURT TIMBER
E ta konsistí di :
1. Un vèlt renobá pa hasi futbòl I Voli
2. Un kancha spesial pa hunga bolas i banda di dje algun banki pa sinta
3. Un área kaminda por hasi atletismo
4. Fasilidat pa hasi gym (calisthenics)
5. Tambe ta keda espasio habrí kaminda nos por pone tribuna pa fanátikonan por sinta
manera den pasado ora nos ta organisá enkuentronan /nòkout di deporte riba vèlt
Un danki masha grandi ta bai na Simon van Rooijen di CRUYFF FOUNDATION , CWM, Skol
Maris Stella, Favela Street pa huntu ku nos direktiva Sentro Bario Montaña , brasa na brasa,
pone ku awe nos ta bai inougurá e proyekto aki pa nos kana yega yanüari 2025.