E ORA SERO TA YEGANDO PA KÒRSOU VS BARBADOS, DJÁRASON 5 YÜNI PRÓKSIMO DEN STADION ERGILIO HATO PA 7:30 PM! NOS PENÚLTIMO HUNGADÓ TA NA KÒRSOU!
E ORA SERO TA YEGANDO PA KÒRSOU VS BARBADOS, DJÁRASON 5 YÜNI PRÓKSIMO DEN STADION ERGILIO HATO PA 7:30 PM! NOS PENÚLTIMO HUNGADÓ TA NA KÒRSOU!
Tiki tiki pero sigur nos ta yegando djárason 5 di yüni kaminda nos selekshon nashonal lo enfrentá Barbados durante nos promé partido pa kualifikashon pa Mundial di FIFA.
E partido aki lo tuma lugá den Stadion Ergilio Hato pa mitar di 8 di anochi i portanan ta habri for di mitar di 6 di atardi. Despues di nos partido di djárason, nos selekshon lo biaha pa Aruba pa enfrentá Aruba dia 8 di yüni 2024 den Centro Deportivo Guillermo Prospero Trinidad pa 8’or di anochi.
Gran mayoria di nos selekshon a yega 28 di mei último peró awe nos penúltimo hungadó, Jurgen Locadia a pisa suela di Kòrsou pa djòin nos selekshon i prepará pa nos partido di djárason.
Mañan nos último hungadó Rhu-Endly ‘Cuco’ Martina tambe ta yega pa nos selekshon ta kompletu pa nos próksimo partidonan.
E karchinan pa e partido entre Kòrsou i Barbados ta na benta na FFK, Pòmp di Gasolin Sta Maria, Botika Mampuritu, Mensing’s Caminada i 4th of July snèk na Barber. Entrada general pa e partido aki ta kosta fl.25 pa adulto miéntras mucha di 6 pa 12 aña i 60+ ta paga fl.15,-. VIP ta kosta fl.125 ku bibida i ‘snacks’ inkluí, optenibel solamente na FFK bou di ora di ofisina.
Kòrda riba nos tremendo ‘fan zone’ ku lo ta di mitar di 6 di atardi 7:15pm dilanti Stadion Ergilio Hato pa un i tur por gosa promé ku e wega. E ‘fan zone’ aki ta un área kaminda fanátikonan por pasa un ratu ameno promé ku e gran partido entre Kòrsou i Barbados tuma lugá.
Por disfrutá di músika di Dj T Tesseling i dal un serbes, un refresko òf un bon plato serka Pomm’s i partisipá pa gana diferente premio pa kortesia di Changes i YDK! Un ambiente tur afó komo antesala di e tremendo partido di nos selekshon nashonal i Brabados!
Nos selekshon ta kla, awor ta abo so falta pa yega stadion pa bin apoyá i sostené nos selekshon djárason awor.
Nos hungadónan ta konta ku bo!
3 yüni 2024