BENTA DI KARCHI PA E WEGA DI KÒRSOU VS GUATEMALA TA KONTINUÁ DJALUNA TE 8’OR DI ANOCHI I DJAMARS TE 12’OR DI MÈRDIA!

 

BENTA DI KARCHI PA E WEGA DI KÒRSOU VS GUATEMALA TA KONTINUÁ DJALUNA TE 8’OR DI ANOCHI I DJAMARS TE 12’OR DI MÈRDIA!

 

Preparashonnan ta kontinuá pa nos partido di djamars, 8 di yüni 2021, kaminda nos selekshon nashonal lo topa Guatemala 8’or di anochi den Stadion Ergilio Hato. Despues di nos viktoria di ayera kontra BVI, nos selekshon tin un total di 9 punto i ta komandá nos grupo. 

Awe mainta nos selekshon a yega Kòrsou pa mas atardi kontinuá ku e promé seshon di training den Stadion Ergilio Hato komo preparashon pa e partido kontra Guatemala.

E partido di djamars aki lo bai ta unu sumamente importante p’esei nos selekshon nashonal ta konta ku pueblo di Kòrsou pa huntu den union nos logra nos segundo viktoria.

Portanan ta habri for di mitar di 6 di atardi i FFK ta hasi un súplika na tur bishitante pa yega trempan i drenta via e porta di e sekshon di bo karchi.

Sekshon VIP ta kosta fl.175.- miéntras e sekshon general ta kosta fl.40.-. Mañan, djaluna 7 di yüni 2021 karchinan lo ta optenibel na FFK for di 8’or di mainta te 8’or di anochi miéntras djamars dia di wega lo tin karchi di 8’or di mainta te 12’or di mèrdia. Kumpra di bo adelantá pasó lo no bende karchi na porta!

Pa asistí na wega e bishitante mester ta kompletamente bakuná (2 bes) i e di 2 bakuna mester ta hasí promé ku 25 di mei 2021. Pa e bishitante ku no ta bakuná, ta pidi pa trese resultado di e tèst di antigen no mas bieu ku 24 ora promé ku e wega. Esaki tambe ta konta pa tur mucha ku asistí na wega ya komo no por bakuná mucha ainda. E bishitante mester presentá na wega ku su sédula i su karchi di bakunashon òf resultado di e tèst di antigen i no lubida riba e tapaboka ku ta obligatorio.

Djamars 8 di yüni 2021, ban apoyá nos selekshon, huntu den union!

Bo tin bo karchi kaba???

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: