Promé Minister sr. Gilmar Pisas UN REUNION DI DESPEDIDA KU E KÒNSÙL GENERAL DI MERKA

Promé Minister sr. Gilmar Pisas UN REUNION DI DESPEDIDA KU E KÒNSÙL GENERAL DI MERKA

 

Willemstad – Promé Minister sr. Gilmar Pisas a tene un reunion di despedida ku e Kònsùl General di Merka sra. Margy Bond dia 6 di yüni 2024.

 

Sra. Margy Bond a bini e reunion aki ku sr. Matthew Carroll (Consul for Political and Economic Affairs US Mission to the Dutch Caribbean).

 

Meta di e reunion aki tabata debí ku sra. Bond su periodo komo Kònsùl General di Merka aki na Kòrsou a yega na su final.

E intenshon ta pa su susesor drenta den e funshon aki na luna di ougùstùs 2024.

 

Durante di e reunion a atendé diferente punto ku tabata pendiente i sra. Bond a informá Promé Minister sr. Pisas ku su susesor lo sigui traha riba e puntonan ku ta pendiente.

 

Promé Minister sr. Pisas a ekspresá su satisfakshon, gratitut i elogio pa ku e forma ku sra. Bond a fungí komo Kònsùl General di Merka aki na Kòrsou i pa tur loke e la hasi pa Kòrsou.