Pronóstiko di tempu pa Kòrsou i bisindario bálido te djaluna mainta 06:00 o.l., 10 di yüni 2024.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 10 di yüni 2024.
Kompilá: djadumingu 9 di yüni 2024, 05:00 o.l. (09:00 UTC).

KÓDIGO HEL: PREKOUSHON PA LAMAN BRUTU TA NA VIGOR PA ÁREANAN DI KOSTA NORT I OST DI KÒRSOU

Tempu: Parsialmente nublá ku algun yobida lokal. Tambe e bista sigui un poko redusí pa santu fini di Sahara.

Temperatura máksimo lo alkansá 32ºC i temperatura mínimo 27ºC.
Solo ta sali 06:10 i ta baha 19:00 o.l.

Bientu: For di ost i moderá; forsa 3 te 5 (12 te 39 km/ora, 7 te 21 nudo). Ráfaga, de bes en kuando posiblemente fuerte; forsa 6 (40 te 50 km/ora, 22 te 27 nudo).

Situashon general: Un ola tropikal suak djis ost di nos region ta moviendo den direkshon west, ku algun aktividat di wer. Temporalmente airu un poko mas húmedo lo alkansá nos region. Esaki lo sòru pa momentunan ku mas nubia i for di algun di esakinan lo kai áwaseru di durashon kòrtiku durante oranan di mardugá i mainta.

Kondishon di laman: Moderá i un poko brutu riba laman habrí ku altura di olanan entre 1 i 2 meter (3 i 7 pia). E olanan di mas haltu ta konsentrá na parti nort i ost di nos isla debí na resake ku altura di ola entre 1.5 i 2.5 meter (4 i 8 pia). Esaki ta premirá pa disminuí durante di dia awe i na su turno lo kanselá e kódigo di prekoushon.

Sistemanan signifikante di wer tropikal: Ningun.

Fenómeno spesial: Ningun.

Perspektiva te djamars mainta: Por lo general parsialmente nublá ku algu di áwaseru durante mainta.

Meteorólogo: Correa