SERVISIO DI ATMISHON KU SOLUSHON TEMPORAL

Willemstad – Ministerio di Hustisia huntu ku Servisio di Atmishon ta informá ku ainda no a logra solushoná e problema di e sirkulashon di airu. Téknikonan ta trahando duru pa por resolvé e problema di airu.

Pa resolvé e problema di un forma temporal Servisio di Atmishon a adaptá un sala di reunion pa por duna servisio na kliente. Debí ku no por laga tur hende drenta pareu, lo laga e personanan drenta tiki tiki pa pasa bai na e sala di reunion.

Ministerio di Hustisia i Servisio di Atmishon ta pidi indulgensia pa e situashon mirando ku esaki no ta den nos man. Manera ku e situashon di airu resolvé lo kuminsá traha di forma regular bèk i lo por risibí e klientenan manera kustrumbrá.