KOMUNIKADO DI PRENSA 264/2024
11 yüni 2024

Dos detenshon pa ladronisia di skuter

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku un kaso di ladronisia di skuter ku a tuma lugá den oranan di mardugá di
djamars 11 di yüni 2024 den área di Cas Coraweg, e tim ku ta enkargá ku investigashon di
ladronisia di vehíkulo, a realisá dos detenshon.
Alrededor di 09.45’or di mainta e tim en kestion a bai na un kas den Kaya Berom i a hasi dos
detenshon.
Ta trata di e hòmbernan J.C.K. di 19 aña i C.H.V. di 24 aña di edat ámbos nasé na Kòrsou.
Despues di e detenshonnan a tene entrada hudisial na e adrès ariba menshoná i na
diferente kas den e besindario i a konfiská sinku skuter i un baiskel, prosedente di
ladronisia.
E skuter tabata disponé di un sistema di GPS di manera ku por a lokalisá skuter basta
rapidó.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.