ORV Ta Tur Tur ku Bluewave!

Djaluna, 8 di yüni 2026, ORV a reuni personal, aspirante i studiantenan na nos edifisio prinsipal pa un evento spesial titulá #ORVTaTurTurKuBluewave. E evento akí a keda organisá komo muestra di sosten i apoyo na nos selekshon nashonal di futbòl ku lo representá Kòrsou den Mundial próksimo.
E evento di e anochi akí tambe a forma parti di e inisiativa #BlueNation i a konta ku e desvelo di nos banner ofisial di ORV i Bluewave, ku ta simbolisá nos sosten durante e temporada di Mundial. Tambe nos a hisa nos bandera di ORV i Bluewave i iluminá e edifisionan di ORV ku lus blou, un gesto simbóliko pa mustra e orguyo ku ORV ta sinti pa nos selekshon nashonal. E lusnan blou a keda ofisialmente sendé dor di Direktora di ORV, Sra. Alpha Falbru, kende a resaltá e importansia di union, sosten i partisipashon den aktividatnan ku ta demonstrá nos apoyo, tantu den ORV komo den nos sosiedat. E lusnan blou akí lo sende den oranan di anochi durante henter e temporada di Mundial.
Komo parti di e inisiativa akí, a desvelá tambe un dekorashon temátiko di futbòl den nos kantina, kaminda personal, studiantenan i bishitantenan por saka potrèt òf graba video, i disfrutá di e ambiente deportivo durante e temporada di Mundial den nos kantina.
E anochi a sera ku un brindis entre personal, studiante i aspirantenan den un ambiente festivo, tur na blou.
Un danki spesial ta bai na e tim di @Blue Nation pa nan kontribushon den hasi esaki posibel.
ORV ta deseá nos selekshon hopi éksito den Mundial